ग्रामपंचायत कार्यालय,भेडसगांव

मिशन

गावाचा सर्वांगीण व शाश्वत विकास साधणे हे आमचे प्रमुख मिशन आहे. प्रत्येक नागरिकाला मूलभूत सुविधा, दर्जेदार शिक्षण, पोषण व आरोग्यसेवा उपलब्ध करून देण्यासाठी आम्ही कटिबद्ध आहोत. पारदर्शक, उत्तरदायी व लोकाभिमुख प्रशासन राबवून नागरिकांचा विश्वास दृढ करणे हे आमचे ध्येय आहे. शासनाच्या विविध योजना प्रभावीपणे अंमलात आणून त्याचा लाभ शेवटच्या घटकापर्यंत पोहोचवणे हे आमचे प्राधान्य आहे. रोजगारनिर्मिती, कौशल्यविकास, स्वयंरोजगार व स्थानिक उद्योजकतेला चालना देऊन आर्थिक स्वावलंबन साधले जाते. शेती, पशुपालन, दुग्धव्यवसाय व लघुउद्योगांच्या विकासातून ग्रामीण अर्थव्यवस्था बळकट करण्याचा आमचा प्रयत्न आहे. स्वच्छता, पाणीपुरवठा, पर्यावरण संवर्धन व हरित उपक्रमांना प्रोत्साहन दिले जाते.